Sommar og sol i Asia

Vel framme i Paris var det berre å surrenseg vidare. Sjølv utan støttepromille kan det vere utfordrande å komme seg rundt her, men eg kom meg heldigvis fram til rett gate til rett tid. Ein tur i Extime loungen vart det og. Dette er ein bra lounge som eg har vitja ein gong før. Her har visst SAS-reisande berre høve til å ha med ein gjest, uavhengig av om familien er med. Eg fekk difor gleden av å gjeste inn ei svensk bestemor som var på tur med dottera og eit barnebarn.

 

Flyet vidare til ARN var rimelig begivenheitslaust. Eg var trøtt og takka nei til kaffi. Vel framme var det å vase seg til Comfort-hotellet, sjekke inne og legge seg.

 

I dag vakna eg frisk, rask og utkvilt. Etter ein rask dusj gjekk eg i gang med dagens plan: ete frukostar og fly. Fyrstefrukosten tok eg på hotellet og bestod av rundstykker med eggerøre, bacon, agurk og skinke, samt litt frukt, druejuice og ein «fruktshot».

Andrefrukosten fekk eg i SAS-loungen og bestod av kaffi og to kjeks.

No er eg i full sving med tredjefrukosten hjå SAS på CPH. Eggerøre, bacon, pylser, hashbrowns og det franskmenna uttaler «kra så». Austlendingane seier «kroasang».

 

Fikk du tannkost og tannkrem hos Air France??

 

Eg trur det. Eg var forsiktig og valgte å ikkje overdrive edruskapen. Eg har alltid med reservekost, tannkrem og deodorant i handbagasjen.

 

Siste dagen vart ganske begivenheitslaus. Eg venta på madammen og ungane som kom med morgonflyet frå CPH. Deretter bar det heimover. Dagens høgdepunkt var ferge Mortavika - Arsvågen med sveler, is og kaffi. Deretter gjekk turen slag i slag nordover til vi var heime i 19-tida. Det vart ingen sein kveld på nokon av oss.

 

Eit herleg reisebrev! Fyndig