Sommar og sol i Asia

Då er det omsider underskrivne sin tur til å reise på sommarferie. Excelark og epostar er pakka vekk, og eg er klar for å fly litt. Ungar og madammen er reist i forvegen. Dei vitjar eit søskenbarn av ho i El Nido på Filippinene.

Det vart litt styr med å finne bonusbillettar til BGO heimover, so SVG vert avreiseflyplass denne gongen. Vestlandet må jammen vere populært når det er lettare å finne bonusbillettar med AF i C til ICN enn SAS i øko til BGO. Jaja.

I dag skal eg fly SVG-CPH-CDG-ICN. To fyrste legs med SAS X, deretter AF C i A350. I motsetning til @Ololsen fekk eg ikkje valgt sete verken via app, nettside eller telefon, so det blir 6D på meg til ICN. Førebels utan sidemann.

No sit eg og ventar på at North Sea Lounge skal opne slik at eg kan få dagens andre frukost ned i systemet.

 

På plass i 11A på fyrste etappe. Lite loungetid der. Blir å gå rett vidare til gaten for flight vidare til CDG.

Er reisebrevet blitt dagstråd?

 

God tur ja

 

Vel framme i loungen på CPH. Ein kjapp tredjefrukost før eg skal «rusle til gate», som det heiter på bonusnissisk.

 

Halvveis egotripp.. det må jo være bra.
Det er sikkert malaria på Filippinene..

 

God tur, dette blir bra!

 

Vel på plass i Air France-kantine på 2E (M-gates).



Ikkje all verdens matutval, men det er godt!

 

Det måtte forresten to bussturar og rikelig med venting til for å komme hit frå 2D. Godt å få slappa av litt no før 12t i lufta

 

Då er eg omsider om bord. Fin kabin, med dører inn til kvart sete.



Mykje almue som går gjennom kabinen no. Vonar vi får velkomstdram snart.

 

Menyen om bord. Eg har førehandstinga Donald Duck lasagne.

 

Komme til han far!

 

Glas nummer fire klar for konsum.

 

Før du er i luften?

 

Vi er på god veg i austerled. Kartet seier vi er sør i Svartehavet.

 

Armagnac (kjøpebrennevin) og kake til dessert.

 

Donald Duck lasagnen til Air France har jeg smakt. Var nydelig over til Canada i fjor: God tur:

 

Etter ein måndag utan posting er eg no på plass ved gate på MNL. Klar for siste etappe til PPS med PR.

Måndagen i Korea gjekk med til å sove litt på hotellet og å vase litt rundt. Eg drog ikkje inn til Seoul, men holdt med i Incheon. Nærare bestemt Songdo. Ein vakker og moderne plass. Eg gjekk gjennom ein park dei kallar Central Park. Oppfinsamt.



Rusleturen vart avslutta med fritert kylling og øl rett ved hotellet før eg køya.

 

Tysdagen starta brutalt tidleg. Før folket heime i kongeriket hadde avslutta måndagen var eg oppe og på veg mot ICN. Det vart spicy brisket soup til frukost, med ris, kimchi og ymse anna godt.



Deretter bar det ombord til PR og kjøpebillett i økonomi. Det vart røft samanlikna med AF C. Eg havna midt inne blant ein gjeng pratesjuke og flatulente (!) misjonøser som og skulle til PPS via MNL. Om lag ein time ut i flighten tilbydde CC meg å flytte åtte rader fram sidan eg reiste åleine og den rada var ledig. Det gjorde godt.

Litt seinare måtte eg på toalettet, og sidan det framme var reservert for dei eleverte måtte eg vandre bakover forbi radene med misjonøser. Skal ein dømme etter odøren var minst ei av dei framleis flatuløs. Jaja.

No er eg og nemnde misjonøser på plass veg gate 11. Avgang om ein time. Vi får håpe luftplagene deira er eit tilbakelagt kapittel.

 

På plass på siste flight. Deler rad med fire misjonøser frå Korea og ein ung lokal mann. Vi får tru misjonøsene har fått ut sine indre demonar no, slik at flighten til PPS kan gå kristleg føre seg.

 

Huff, det så jo ut som en skikkelig trist frokost….