Då var bilen henta, parkert ved hotellet og eg skal ta meg ein liten kvil før eg skal ut og finne meg ein plass å ete lunch.
Det var ein Charles Heidsieck (rett stava?). Eg fekk dessverre ikkje bilete. Skal få på returen. Leigebilen vart ein Mazda 6. Vel moderne for ein som ikkje er vand med bilar laga etter 2010. Eg vart nødd å tinge via Expedia sidan eg streva voldsomt med å finne bilar direkte på sidene til utleigarane når eg skal levere i SFO. Utvalet var mykje betre på Expedia. Men den dug nok. Skal ikkje nyttast før i morgon.
Då var ein på plass på Stout Burgers & Beers i Hollywood. Eg hadde sett ut denne som ein av fleire moglege. Etter @snus_mumrikken si tilråding var valet enkelt. No nyt eg ein Cali’ Dreamin før burgeren min kjem. Skål! Edit: burgeren kom før eg rakk å drikke opp.
Fint å høre at Charles er tilbake ombord håper du er happy med Mazda6. Skulle hatt den neste uke selv, men den Japan / USA turen ble utsatt
Etter ei øl til (Sun Dogs frå Smit City). Var det på tide med kaffi. Det er viktig å hugse på væskebalansen alkohol - kaffi - vatn. Edit: det var Smog City, ikkje «Smit City» som har laga Sun Dogs.
Charles var veldig god ja. Eg lyt nok dessverre sove på heimturen, so då får det heller vere med serveringa. Nokre glas vert det nok, men neppe mange.
Og etter ein framifrå burger, to gode øl og den største skåla med fries eg nokon gong har konsumert vasa eg meg forbi denne plassen. Godt eg har fleire dagar her før det bær nordover. Eg hadde heilt gløymt at porsjonane her borte er vesentleg større enn heime på berget.
På metrostasjonen i stad kom eg forresten over dette vesenet. Ho var kledd omlag som «sjamanen» som var mellom leiarane i storminga av kongressen i januar i fjor. Ho dansa fram og attende på perrongen før ho dansa vidare opp rulletrappa.
Då har eg vasa rundt på Walk of Fame for å pådra meg litt apetitt. Førebels utan resultat. Eg er nesten attende til Stout Burgers & Beers, men hjå naboen Elbow Room. Her har dei og godt øl. Etter eit toalettbesøk sette eg med ved baren, med to seter mellom meg og ei rimelig velforma afroamerikansk frøken. Ho røyste seg og gjekk nesten umiddelbart. På flyet ville ikkje snorkfrøkena i 1A ha meg med på biletet ho tok. Er eg blitt for stygg, skal tru? Skål!
Prosjekt «Bli svolten» går heller dårlig. Etter Elbow Room svinsa eg meg austover på Walk of Fame og vasa meg inn på Bourbon Room. Her er det dunk dunk musikk og drikkevarer. Eg har gått for ein heffeweisen med blodappelsin. Forfriskande og fin når ein går og vasar i sola. Dessverre syner dei ikkje basketballkampen mellom Golden State Warriors og Dallas Mavericks her.
Etter to øl på Bourbon Room vasa eg meg nordover mot noko som i følge Google heiter The Brickyard Pub. Det heiter den visst ikkje lenger, og eg har betalt 10 dollar for ein halvliter som smakar Tuborg. Her blir det tømming av glaset og so retur til Hollywood Blvd. Eg er framleis ikkje svolten. Bannja.
Ferda har gått vidare til «Eit eller anna» canteena. Ved inngangen vart eg spurt om vaksineprov, men ved framsyning av norsk pass var alt ok. Det minnar meg om min nyleg avlidne morfar som under krigen køyrde Jeep utan førarkort i London og vart stoppa i Hyde Park av ein lokal konstabel som sa noko som «åf*** du er norsk du ja. Køyr vidare!» interiøret minnar for øvrig om ein kombinasjon av Bonanza og Star Wars. Eg er heilt sikker på at eg har sett Adam Cartwright i eit miljø som liknar på dette. Sett vekk frå ljossverd og fancy lys sjølvsagt. Edit: Plassen har visst eit namn:
Då var eg blitt svolten igjen. Klokka 0915pm. Jaujau. Tenk å ete nattmat medan TV2 Nyheitene er på. Ein er ikkje tenåring lenger. Her på Greco’s New York Pizzeria har dei pizzastykker so store at du kan slå ihjel folk med dei. Etter å ha sett til liv knappe to lyt eg kaste inn handkleet og setje kurs for hotellet. I morgon skal eg sjå Galaxy høvle over LAFC.
Man blir mett av å lese om det Fortsatt god tur i englenes by. Kanskje du får med deg en runde slåball og hvis Dodgers eller Angels spiller. Er en opplevelse det og
Takk for velformulert og detaljert rapportering, det er nesten som å være der selv. Ikke bekymre deg om damene flytter på seg, de er vel helst redde for at du kan bli for uimotståelig.
Kan melde at alt er vel i Sunnfjord, såvidt jeg kunne observere i går i alle fall, så du kan trygt bare kose deg videre "over there"
Hyggelig å følge deg på tur! Det er bare en ting som kan gjøre reisebrevet bedre og det er å trykke på full image når du laster opp bilder
